Strandvik skyttarlag vart skipa i 1881 og har i dag tilsaman ca140 medlemar i alle aldrar; frå 9 til over 80 år. Me er eitt av ca 840 skyttarlag med ca 150.000 medlemar, tilknytta Det Frivillige Skyttervesen (DFS) spreidd ut over heile Norge.

Me har innandørs miniatyrbane («15 meter» med plass til 6 skyteskiver) i 2.etg i Ridehallen i Strandvik sentrum. Her er det organisert aktivitet to kveldar i veka frå september og til påske. Dette er vår viktigaste rekrutteringsarena, der unge/nye «håpefulle» kan få låna gevær/utstyr (og når lagsøkonomien toler det; eit begrensa antal gratis skot pr treningskveld) og få kyndig instruksjon, og der «vidarekomne» kan perfeksjonera eigne ferdigheiter. I tillegg har me ein utandørsbane med 6 skiver på 100 meter og 6 skiver på 200 meter, på leigd grunn i Vikelia, ca 3 km frå sentrum, som stort sett vert brukt resten av året. Her har me standplassoverbygg, og eit enkelt skyttarhus.

Strandvik Skyttarlag