Trening / Konkurranse skyting

Alle er velkomne til å delta på trening hos oss i Seim skyttarlag.
Vi har trening 3 gongar i veka.

Frå oktober - april

Tysdag: Ungdomstrening, frå klokka 17:30
Onsdag: Eigentrening for vaksne, frå klokka 18:00
Torsdag: Ungdomstrening for Rekrutt, Eldre Rekrutt, Junior og Eldre Junior frå klokka 18:00

Frå mai - september

Onsdag: Trening på 100 og 200 meter frå 17:30

I perioden oktober – april trenar vi på innandørsbana, medan treningane frå mai til september er utandørs på 100 og 200 meter.
Alle banene til Seim skyttarlag har elektronisk anvisning.

Skyting er ein av få idrettar der det ikkje blir delt inn etter kjønn. Fram til no har det vore flest menn som deltek, men det er fleire og fleire jenter som oppdagar idretten, og jentene klarar seg like godt som gutane.

Sjølv om jenter og gutar konkurrerer mot kvarandre, er det likevel mange ulike klasser i skytesporten. Skyttarane våre har stort aldersspekter der dei yngste er frå 10 år og dei eldste har runda 80. Vi konkurrerer side om side, og for å få rettferdigheit i premieringa er det delt inn i ei rekke ulike klasser som er basert både på alder og ferdigheiter.

Dei ulike klassene

Nybegynnar ung

Skyttarane i denne klassen må fylle 10 år i løpet av kalenderåret. Skyttarane kan ikkje vere eldre enn 15 år. Klassen er mynta på skyttarar som nett har starta med sporten. Her kan det brukast støtte, og det blir skote med salongrifle (kal22).
Skyttarane blir ikkje rangert i konkurransar og det er premiering til alle.

Rekrutt

Klassa omfattar aldersgruppa 11-13 år. Rekruttane skyt liggande utan støtte og med salongrifle(kal 22).
Premiering til beste 1/3.

Eldre rekrutt

Klassen omfattar aldersgruppa 14-15 år. Eldre rekrutt skyt også liggande utan støtte. Dei kan velje om dei vil skyte med salongrifle(kal 22) eller skarpare ammunisjon (kal 6,5). Kal 6,5 vert lite påverka av vind under skyting på 100m.
Premiering til beste 1/3.

Junior

Klassen omfattar aldersgruppa 16-17 år. Junior skyt liggande og kneståande. Her kan du også velje om du vil skyte med .22 eller 6.5, men stort sett alle skyt med kal 6,5.
premiering til beste 1/3

Eldre Junior

Klassen er for skyttarar som fyller 18 i løpet av året. I tillegg kan skyttarar som har skutt eitt år i klasse Junior frivillige rykke opp i klassa frå 1. oktober. Dette betyr i praksis at klassa kan bestå av skyttarar som er 15, 16, 17 og 18 år alt ettersom kor tidleg dei har rykka opp til dei ulike klassene.

Ein skyttar som skyt i klasse EJ kan frå gang til gang velje om han/ho vil skyte i klasse EJ eller 4. Dette betyr at Ungdommen kan velje å skyte klasse 4 program på 200 meter, eller EJ program på 100 meter.

Skytterklasse 1 og 2

Dette er ei lavterskel klasser for vaksne nybegynnarar. Begge klassene skyt med finkaliber på 100 meter, og dei skyt finfelt. Skyttarar i SK1 skyt berre liggande, medan skyttarar i SK2 skyt liggande og kne. Skyttarar i SK1 og SK2 kan velje frå stemne til stemne kva for ei av desse klassene dei vil skyte i. Klassa si nedre aldersgrense er 16 år, og den blir gjennomført på alle stemner.

Kikkertklassen

Kikkertklassen er ei klasse der skyttarane skal bruke kikkertsikte. Klassa blir gjennomført på 200 meter utandørs, innendørs og grovfelt. Berre liggande skytestilling. Nedre aldersgrense for å delta i klassa er 16. år. Detaljert regelverk om kikkertklassen finn du her

Jegerklassen

I jegerklassen er det lov å bruke alle våpen som ikkje er heil eller halvautomatiske. Kaliber opp til 8mm er godkjende. Det er lov med kikkertsikte, men ikkje eit krav. I denne klassa er det ikkje lov å bruke spesialsydde skytekle, berre kle som kan brukast til jakt eller fritid. Jegerklassen skyt på 100 meter og deltek på finfelt. Skyttarane kan velje om dei vil bruke liggande skytestilling eller sitjande jegerstilling.
Detaljert regelverk om jegerklassen finn du her

Klasse 1

Klassa skyt berre liggande og er mesterskapsklasse. Dersom dei 3 beste stemna er over ein viss poengsum rykkjer du opp ei klasse. Klassa skyt på 200 meter og grovfelt

Klasse 2

Denne klassen skyt same program som junior, altså både liggande og kneståande. Opprykk til neste klasse ved 3 stemner over ein viss poengsum. Klassa skyt på 200 meter og grovfelt.

Klasse 3-5

Desse klassane skyt same program. Her er skyttarane rangert etter tidlegare resultat. Dei beste skyttarane skyt i klasse 5. Skyttarane skyt liggande, kne og ståande. Klassa skyt på 200 meter og grovfelt

V55

Dette er den yngste veteranklassen. Her skyt dei som er eldre enn 55 år. Dei skyt same program som klasse 2 og junior. Klassa skyt på 200 meter og grovfelt

V65

Her skyt dei som er eldre enn 65 år. Dei skyt alle skot liggande, og skyt på 100 meter og finfelt.

V75

Denne klassen skyt heilt likt som V65, men skyttarane må vera over 75 år.

Skyting året rundt

Skytesporten er ein heilårsidrett. Om sommaren skyt vi ute på 100 og 200 meter. På vinterstid skyt vi innandørs på 15m. På seinvinter og tidleg vår skyt vi feltskyting utandørs. Der skyt dei yngste og eldste klassene på 100 meter og seniorskyttere på variable og innimellom ukjende avstandar.

Ulike typar stemner

Baneskyting på 100 og 200 meter

På bane blir det vanlegvis skote 35 skot, der 350 poeng er maksimal poengsum. Blinken det blir skote på er delt inn i 10 like store delar, der den midterste (tiaren) er delt i to. Ytter og innertreff.

På større stemne, slik som landsskyttarstemnet, fylkesstemne og samlagsstemne blir det skote 25 skot fyrst. Deretter skyt dei med beste poengsummane etter dei 25 fyrste skota finale på 10 skot. Finalen blir kalla omgang.

Nybegynnarklassene slik som nybegynnar ung, skyttarklasse 1 og 2 og kikkertklassen skyt ikkje finale.

Innandørsskyting

Om vinteren, frå oktober til april, er det meste av skyteaktivitetane innandørs. Seim Skyttarlag bygde ny innandørs 15 metersbane i 2021, med 15 elektroniske skiver.

Dei seinare år har miniatyrskyting blitt veldig populært i Noreg. Det er mange lokale stemner og i 2023 blei fyrste landsskyttarstemnet innandørs arrangert. Mykje trening på miniatyrbana resulterer som oftast i gode resultat på 100 og 200 meter.

Feltskyting

Om våren, frå februar til slutten av april, er det sesong for feltskyting. Denne skytinga er mot figurar av ulik form. Dei klassane som normalt skyt på 100m, skyt også her på 100m. Klassane som normalt skyt på 200m,skyt på mål på variabel og innimellom ukjend avstand. Dette gjer feltskytinga til ei veldig spennande skyting. Her må skyttaren vera god på avstandsbedømming, god på å korrigere for vind og ikkje minst vere god til å skyte.

Et bilde som inneholder sketch, logo, design, symbol

KI-generert innhold kan være feil. Nokre feltfigurar

Skifeltskyting

På vinteren blir det arrangert skifeltskyting. Dette kan minne om skiskyting, men deltakarane går klassisk stil og dei skyt på feltblinkar. Til forskjell frå dei andre disiplinane i skyting er det her ulike klasser for kvinner og menn. Vaksne skyttarar skyt på ukjende avstandar, medan veteranar og ungdomsskyttarar skyt på 100 meter. Det er viktigare å treffe her enn i skiskyting. Kvar bom på normaldistansen gir 3 minutt tilleggstid, medan det er eitt minutt tilleggstid for kvar bom på sprintdistansen.

Skogsløp med skyting

Dette er omtrent som skifeltskyting, men våpenet ligg på standplass og skyttarane skal springe ei runde skogsløp før dei kjem inn og skyt. På landsskyttarstemnet blir dette løpet delt i to. Feltskytinga tel som skyting for skogsløpet. Deretter blir det sprunge jaktstart med utgangspunkt i resultata frå feltskytinga.

Skytestemner:

Opne stemner

Stemner rundt omkring i landet der alle som er medlem i eit skyttarlag kan delta. Ofte er det ein gjeng frå Seim som reiser saman til stemne, og på utvalde stemner i nærmiljøet arrangerer laget tur og hjelper til, slik at det blir lettare for dei som er nye i sporten å delta.

Samlagsstemne og landsdelskretsstemne

Noreg er delt inn i samlag og landskretsar. Seim skyttarlag høyrer til i Hordakretsen som består av samlaga, Hordaland, Sunnhordland og Bergen og Voss. Hordaland skyttarsamlag består av Bergen og kommunane rundt, og det er desse som deltek på samlagsstemnet vårt. Det blir arrangert samlagsstemne både på bane, innendørs, i feltskyting, i skifeltskyting og i skogsløp med skyting.

Landsdelskretsstemnet er for alle skyttarlaga i Hordakretsen. Dette går ofte over minst to dagar, og det blir arrangert separat finale til slutt. Det blir vanlegvis arrangert landsdelskretsstemne i Bane, felt og innandørs.

Landsskyttarstemnet

Det største stemnet som blir arrangert, med om lag 4000 – 5000 deltakarar. Her er det både bane og feltskyting og i tillegg blir det arrangert stang og felthurtigskyting. Kvart år er det ein gjeng frå Seim som reiser på landsskyttarstemnet. Mange bur på felles camping og stemnet varer i ei veke. Mange har heilt sikkert sett sendingane på landsskyttarstemnet på NRK

Landsskyttarstemnet innandørs

Landsskyttarstemnet innandørs er det einaste skytestemnet som ikkje blir arrangert på ei skytebane, men derimot i ein stor idrettshall. Det er også einaste stemnet der publikum er i same rom som skyttarane. Hallen blir sikra bak blinkane, og publikum sit på tribuner eit stykke bak skyttarane. Derfor er det mykje lyd når skyttarane skyt, noko dei ikkje er vane med. Vinteren 2025 var fyrste gong Seim skyttarlag hadde skyttarar med på LS innendørs, då var det 8 som deltek, men frå 2026 reknar vi med det blir fleire.